中國(guó)人像煞弗管啥個(gè)年紀(jì)，儕勒海看活猻。

該兩日，亦有一只活猻勒海全世界葛游戲界里大殺四方，伲呢就來(lái)講講蘇州閑話里搭活猻相關(guān)葛詞匯。

蘇州人拿猴子叫“活猻”，是活猻，弗是猢猻。明清葛資料會(huì)得寫(xiě)成功【犭或】孫，也有人講應(yīng)該是【犭活】猻，但不過(guò)弗管是哪個(gè)打起來(lái)儕有難度，實(shí)勒就先用“活猻”記音哉。

活猻，儕是坐弗定立弗定葛，實(shí)勒方言里相關(guān)葛詞匯也儕是貶義葛多，譬方說(shuō)罵人，就好叫俚“活猻”，年紀(jì)輕葛可以叫“小活猻”，年紀(jì)大葛就叫“老活猻”。

活猻屁股紅通通葛。有諸女小娘兒呢剛正學(xué)化妝，面孔浪葛胭脂搨得紅完紅，伲就說(shuō)“活猻屁股”。

或則呢，碰著尷尬希或者難為情葛辰光，人葛面孔漲得煊煊紅，也好講“活猻屁股”。

據(jù)講，剛剛養(yǎng)出來(lái)葛小活猻肚皮浪葛毛少，看得見(jiàn)青筋，就叫“青肚皮”。老發(fā)頭有出猴戲葛，小活猻難訓(xùn)，記弗牢物事。

實(shí)勒“青肚皮活猻”講葛就是搿諸記性推扳，弗記教訓(xùn)葛人。

娘訓(xùn)小干葛辰光就會(huì)得罵“青肚皮活猻”，有轉(zhuǎn)巴就簡(jiǎn)稱“青肚皮”哉。譬方講：

吃飯前頭要?dú)?！小赤佬前講后忘記，青肚皮活猻。

（吃飯前要洗手！小鬼前說(shuō)后忘，青肚皮活猻。）

彈詞里也有記載，外加罵得來(lái)得葛兇。《白虎嶺·教師》：“忘恩負(fù)義勿要面皮，倷只瘟活猻、臭活猻、草莽活猻、油煎活猻、青肚皮活猻、千年勿死老活猻！”

有諸人，賅仔好物事囥弗牢，賽過(guò)活猻一樣上躥下跳要獻(xiàn)寶葛，伲就講俚叫“活猻弗賅寶”，譬方講：

買(mǎi)仔新鞋子就要著，小活猻真真叫活猻弗賅寶。

（買(mǎi)了新鞋就要穿，小鬼真的是活猻弗賅寶。）

有辰光，弗單單要獻(xiàn)寶，還敗家，也好叫“活猻弗賅寶”，譬方講：

俚個(gè)戶頭末活猻弗賅寶，賅仔點(diǎn)銅鈿就瞎投資，阿末點(diǎn)末儕倒光。

（他這家伙活猻弗賅寶，賺了點(diǎn)錢(qián)就亂投資，最后全敗完了。）

活猻是一種停弗下來(lái)葛動(dòng)物，空下來(lái)就要拉拉耳朵，抓抓頭，扒扒肚皮浪葛兩根毛。

實(shí)勒，弗管是做事體還是弄物事，假使有人歡喜弗停葛扒，弗停葛瞎扒瞎扒，伲就講“活猻扒肚腸”。譬方講：

倷末真葛活猻扒肚腸，頭浪兩根毛扒弗好則，今朝染只紅顏色，明朝燙兩只卷，后日剪短，大后日接起來(lái)。

（你是真的猢猻扒肚腸，頭上幾根毛弄不好了，今天染個(gè)紅色，明天燙卷，后天剪短，大后天又接上。）

而該諸一腳“扒肚腸”葛人，伲會(huì)得叫俚篤“扒活猻”。

假使再進(jìn)一步，是搿諸皮搭鬼，無(wú)法無(wú)天葛小人，也會(huì)得罵“斷鏈條活猻”。

活猻本是眾牲，戴仔只帽子倒是有點(diǎn)人葛樣子則。

所謂“沐猴而冠”，方言里講葛也是搿諸徒有其表，能力欠佳葛人，后頭呢還要拖一句“像煞有介事”。

老發(fā)頭蘇州街浪向有不少孛相猴戲葛，活猻一歇歇著衣裳，一歇歇踏腳踏車，該諸活猻葛表演，就叫“活猻出把戲”。

但不過(guò)活猻出一場(chǎng)好戲，但人弗能實(shí)梗。假使有人像活猻實(shí)梗做搿諸夸張，不合規(guī)矩，癡吼吼葛事體，就會(huì)得撥人講“活猻出把戲”。

特別是有辰光小盆友人來(lái)瘋，歡喜顯，做賊腔，爺娘就會(huì)得罵：

倷捺亨？活猻出把戲?。?/p>

（你怎么？活猻出把戲啊？）

弗做人事，倒出猴戲，捺亨弗是活猻出把戲呢？

其實(shí)骨子，弗單單是蘇州閑話，勒海整個(gè)葛中文語(yǔ)境里，搭活猻相關(guān)葛詞匯儕弗是啥個(gè)好詞。但不過(guò)，就是勒海實(shí)梗葛刻板印象里，有一只活猻，破石而出，一身反骨，爭(zhēng)仔一個(gè)齊天大圣。

希望伲葛國(guó)產(chǎn)游戲，也能石破天驚，一鳴驚人。

畢竟該個(gè)一次出葛是游戲，弗是把戲哉。

文 | 予安

版 | 予安